2018 Uztailak 12-15

Kaleko bluesa eta edizio honetako izen handiak elkarrekin izango ditugu aurtengo edizioari amaiera emango dion jardunaldian, herri bazkaria eta emakume ahots gazte baten, Annika Chambers-en, estreinaldia ahantzi gabe.

Bluesaldia bide erdira iritsi da ekitaldiz beteriko larunbat batean. Hitzaldia, herri barbakoa musikarekin alaitua eta lau kontzertu, horiexek izango ditugu bluesez beteriko jardunaldi honetan, Charlie Baty gitarra jotzaileari emango zaion saria barne.

Interprete handiez josita datorkigu jaialdiko bigarren jardunaldia: JW Jones kanadar aparta, Igor Prado brasildar ikusgarria eta bere taldea, Louissianako bluesaren ordezkari Kenny Neal eta bertako talde bat, Star Blues gipuzkoarra.

Indar osoz abiatu da Bluesaldiaren hamabigarren edizioa: hogeita lau kontzertu, lehen mailako hamasei banda eta artista eta sarrerak dohainik. Gaurtik hasi eta igandera arte, blues onenaren maratoia Hondarribian. Zatozte!

Gaur goizean hasi da bluesaldia kontzertu pedagogikoarekin. Neskato eta mutiko ugari bildu dira Itsas Etxean, Belceblues taldearekin batera dantza egin eta abestu dute taldeko kide baten, Oihan Vegaren, gidaritzapean. Aupa fan txiki horiek!

Eskualdeko hamar artista bildu dira guztira Hondarribiko Bluesaldiaren inguruan, ikuskizunari bestelako ikuspegi batetik begiratzeko. Jaialdiaren egunetan beren arkatzekin eta errotulagailuekin joango dira, lehiaketa beren eran dokumentatzeko.

Aurtengo edizioan ere Hondarribira jende asko etortzea espero da. Aurreko urteetan 90.000 lagunetik gora izan ziren, zaleen uholde handia, eta eragin ekonomiko garrantzitsua izan zuen halaber.

Beste edizioetan bezala, E77 (Irun, Errenteria, Pasaia, Donostia), E78 (Irun) eta E21 (Donostia autopistaz) lineak ibiliko dira. Informazio gehiago helbide hauetan: www.ekialdebus.eus eta twitter @ekialdebus